احدث التطورات في عالم الحواسيب(مقدم من Twins N&A)

طيب احنا لسه اللاب توب ما جبناه
الله المستعان
يعني مثل ما سالني مره ابني الصغير محمد وهو بالمناسبه يعشق السيارات كثيرا.
سالني متى ستشتري مرسيدس قرش ونص" لمن لا يعرف فئة القرش ونص هي مرسيدس 200C مويل 1998 وطالع وشكل الاضويه الاماميه واحد كبير والثاني صغير" في ليبيا بيقولولها مرسيدس عيون.
المهم سالني عن الوقت اللي رح اشتري فيها مرسيدس قرش ونص وانا بطبيعة الحال كنت موظف وعلى قد حالي اما الان والحمد لله فانا اقل من حالي.
كمان مره المهم جاوبته بدون تفكير رح اشتريها ان شاء الله عام 2025.
وبناءا على القصه السابقه رح نشتري هذا الكمبيوتر الجديد لما يصير علم الكمبيوترات فقط بالذاكره وبدون اي اجهزه مساعده. يعني اللي بده يشتري كمبيوتر بيروح للشركه وطبعا الشركه وبيقوموا بفتح الراس من الجهه العلويه الخلفيه ويقوموا بزرع رقاقه من البلاتينيوم او الجرمانيوم داخل الدماغ.
وبالطبع ستكون هذه الشركه مزوده بغرفة عمليات ولانه نحنا بالاردن سباقين للعلم والتكنولوجيا رح نكون الاوائل بهالمجال بالوطن العربي وربما بالشرق الاوسط ونفتتح هذه الشركه داخل المدينه الطبيه. واذا تدخلت الواسطه بالتعينات رح يدخل بهالمجال اي واحد وممكن لما اروح عندهم علشان يركبولي هذه الرقاقه يطلع نصيبي جراح مش ولا بد وتكون النهايه على ايديه.
على كل حال الاعمار بيد الله وما حدا بيموت ناقص عمر.
اقولكم شي؟؟
مالها الاله الحاسبه؟
من شو بتشكي؟
انا ما بدي هيك تكنولوجيا ان بدي ارجع للورقه والقلم احسن.
طيب السؤال الان شو انا عم اكتب؟ وليش؟
هلوسات مستقبليه
سبحان الله علم الانسان ما لم يعلم
الانسان مش اشي تاني.
اشكرك twins n&a على هذا الموضوع الرائع ومعلش سامحوني شطحت شوي بردي لكن ارجع واقول الله المستعان