alhamdullah.alafdal.net
عزيزي الزائر / عزيزتي الزائرة يرجى التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى
سنتشرف بتسجيلك
شكرا
ادارة المنتدى

alhamdullah.alafdal.net


 
الرئيسيةاليوميةالتسجيلدخول
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
تصويت
المتواجدون الآن ؟
ككل هناك 8 عُضو متصل حالياً :: 0 عضو مُسجل, 0 عُضو مُختفي و 8 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 3184 بتاريخ الأحد يناير 01, 2017 6:01 am
المواضيع الأخيرة
» سيرة رسولنا الكريم عليه افضل الصلاة واتم التسليم
السبت أبريل 15, 2017 12:40 pm من طرف عطر المساء

» الرسم على الجدران
السبت أبريل 15, 2017 12:37 pm من طرف عطر المساء

» رساله شهر رمضان
السبت أبريل 15, 2017 12:35 pm من طرف عطر المساء

» اهلا رمضان
السبت أبريل 15, 2017 12:31 pm من طرف عطر المساء

» الصراحه الفتاة رفعت ضغطي وانا بقرأ
الجمعة نوفمبر 25, 2016 12:09 am من طرف عطر المساء

» دعاء الشرب من ماء زمزم
الجمعة نوفمبر 25, 2016 12:07 am من طرف عطر المساء

» قصيده لمظفر النواب عن فلسطين
الجمعة نوفمبر 25, 2016 12:06 am من طرف عطر المساء

» محاضره ابكت الملايين لنبيل العوضي
الأربعاء نوفمبر 23, 2016 11:30 pm من طرف ماجد الشرفاء

» ارجو من الجميع الدعاء الى خالي ماجد الشرفاء بالشفاء العاجل
الأربعاء نوفمبر 23, 2016 11:26 pm من طرف ماجد الشرفاء


شاطر | 
 

 ابتسم فأنت بالأردن(الأردن أولا)

اذهب الى الأسفل 
كاتب الموضوعرسالة
ميمي
عضو مميز
عضو مميز
avatar

الجنس : انثى عدد الرسائل : 255
العمر : 46
الموقع : CHICAGO
السٌّمعَة : 40
نقاط : 3969
تاريخ التسجيل : 06/09/2009

مُساهمةموضوع: ابتسم فأنت بالأردن(الأردن أولا)   الأحد سبتمبر 06, 2009 11:54 pm

فأنت في الأردن....[ندعوك للتسجيل في المنتدى أو التعريف بنفسك لمعاينة هذه الصورة]

إذا مشيت بالشارع يوم من الأيام. . . وشفت سياره تكسي صفرا. . .

من جوا ضو أزرق. . . وسي دي معلق على المراي. . . وجواتها شب مربي سكسوكه ولابس بنطلون كونز ومعبي السيارة من برا تعليقات وملصقات. . . فأنت تسير في شوارع الأردن....



إذا كنت واقف على الإشارة ولما تصير صفرا بتسمع سبعين واحد بيزمرو وراك. . . . فأنت في الأردن


إذا كنت ماشي وعلى بعد 200 متر إشارة خضرا. . وشفت كل السيارات بتتجاوز عنك عن اليمين. . عن الشمال. . . مش فارقه. . المهم يلحقوا الإشارة خضرا. . . . بتكون في الأردن....


إذا دخلت أي دائرة حكومية وشفت الموظف قاعد ماد بوزه ومكشر ووجهه فلتبتسم لانك في إحدى الدوائر الحكومية في الأردن....

اذا سمعت الحوار التالي. . . . . - ألو. . .- ألو. . .
مرحبا- هلا. . هلا. . .
- كيف الحال. .- والله الحمد لله. . . انت شو أخبارك
تمام الله يسلمك. . .
- شو فيه ما فيه. .- والله صافيه وافيه. . مين معي
- انت الطالب. . مين حضرتك
مش تليفون ابو غازي. .- لا يا خوي النمره غلط
آه. . . حقك علي يابه. .
ولا يهمك. . كسبنا سماع هالصوت. . .
- يا سيدي الله يحي اصلك. . من وين انت. . .
- انا من الملاطشه. . .- هاظا احنا قرايب. . .
- يا سيدي حياك الله. . . مع السلامه
هلا. . هلا. . الله معك. . .

طبعا اذا سمعت مثل كل هذا الحوار. . . والنمره غلط. . . فأنت أكيد في الاردن. . .


اذا كنت تتحدث مع شخص عن أسعار الاراضي. . . وقالك انه الارض الفلانيه اللي بعبدون كانت لجده وكان يزرع فيها بندوره وفقوس. . وباعها بثلاثمية ليره بالستينات. . . فأنت اكيد في الاردن. . . .



اذا كنت ماشي بالشارع. . . وشفت واحد بيجح بخلقتك. . هيك بدون سبب. . . لا هو مسلِم. . ولا هو مبتسم لك. . . بس بيجح كانك قاتل ابوه. . . . فانت ماشي في الاردن...

اذا رن عليك واحد مش شايفه صار لك عشرطعشر سنه. . . وساعه وهو يسلم عليك ويمدح فيك وآخر اشي سألك: بالله وين محول راتبك. . . . اكيد بتكون بالاردن....

اذا كنت قاعد بمكان عام. . . وكل اللي حواليك ماسكين موبايلاتهم وسمعت. . "بالله شغل البلوتوث. . بدي أبعث لك شغله طقع ". بتكون بالاردن...

اذا سمعت كلمة صافيه وافيه. . . وهي لا صافيه ولا وافيه. . بتكون بالاردن...


اذا شفت بكم ديانا موديل الف وتسعميه وخشبه محمل بندوره والشوفير شاد الشماغ على راسه ومش شايف لا شمال ولا يمين. . ويا أرض اشتدي ما عليكي أدي. . بدي أسبق كل التكاسي. . بتكون بالاردن....


اذا الدنيا رشت شوية بَرَد. . . ووزارة التربية علَقت الدراسه. . والحكومة اعلنت عطلة رسمية بسبب خوفها من الثلج الغادر. . والتلفزيون بث مسرحية العيال كبرت. . . . معناته انت كمان بالاردن...


اذا شفت الجو. . هَه. . برشرش ثلج والناس بتقدر تركظ عالخبز والكاز بس ما بتقدر تروح تداوم. . . برضه بتكون بالاردن...

وبالرغم من كل اللي بالاردن. . . . . .

بنضل نحكي. . . . ومن قلوبنا. . . شو حلوه يا بلدي
الرجوع الى أعلى الصفحة اذهب الى الأسفل
ماجد الشرفاء
مشرف منتدى الترفيه
مشرف منتدى الترفيه
avatar

الجنس : ذكر عدد الرسائل : 1128
العمر : 51
السٌّمعَة : 135
نقاط : 5052
تاريخ التسجيل : 01/03/2009

مُساهمةموضوع: رد: ابتسم فأنت بالأردن(الأردن أولا)   الإثنين سبتمبر 07, 2009 2:34 am

طبعا موضوع الاخت ام امير من باب الدعابه فالامور والحمد لله تغيرت كثيرا هنا ولكي نكمل الصوره دعونا نرى ماذا يحصل داخل البيت الاردني بعدما رأينا معالم الاردني بالشارع.

عادي بين افراد عائله أردنيـة
الأب مخاطب الابن : تعال وله
الابن و بكل براءة : نعم
الأب :نعامة ترفصك ... تعال وله
الابن : ليش شو سويت؟
الأب : سواك ضريب يخلع رقبتك
الابن : شو فيه؟
الام : شاوي يشوي عضمك ....رد على ابوك بأدب وله
الابن : هوه انا حكيت شي؟
الأب:حكحكوا جنابك بالعصايه اوقف عدل يا حيوان
الابن : حاضر
الأم :يحضروا على قبرك ان شالله ... لما ابوك يحكي انت بتخرس
الابن :أخرس؟
الأب : ايوه ان شالله خرسه
الابن: ماشي
الأم: اجاك مشش بركبك ما تقوم منه ان شالله
الابن :مشش ؟؟؟ شو هاذا المشش؟؟
الأب: اما انك قليل حيا ...وبترد على امك كمان ؟ هات العصاي وتعال وله
الابن: انا رديت على امي؟ يمّـه احكي كلمه
الأم: موا يمزع نيـعـك وله ....حكيتلك اخرس
الابن الان اصبح مغلوب على امره ومش فاهم ايش الموضوع وصمت
الأب: أما جيل قليل حيا...احكي وله ... مالك انخرست
الابن : شو احكي؟ اذا حكيت بتقولوا عني قليل حيا وبتشوفوني غلط
الام :حيه الي تقرصك ان شالله ... قلتلك تأدب وانت بتحكي مع ابوك
الأب : ايش 'بتشوفوني غلط' هاي ... شايفنا عميان ولا حول ؟
الابن : لا اله الا الله
الأم : الله يوخذك ان شالله .... يا ريتني خلفت ابن الجيران ولا انت
الأب: انا مش عارف هاذا الولد متى بده يصير زلمه...دايما فاظحني بين الرجال
الابن: طيب شو اعمل عشان تشوفني زلمه ؟
الأب: قلتلك اخرس وله
الابن: يا الله ... يا الله ... يا جماعه شو مالكوا ... شو فيه ؟
الأم: اه صحيح انت ليش ناديت عالولد يا زلمه ؟
الأب :بتصدقي يا مره اني نسيت.... نساني شو كنت بدي منه هالكلب
الاب : خلص روح ارجع على غرفتك يابا

_________________
اللهم إنا نسألك بأسمائك الحسنى وصفاتك العلا
أن تهب لنا قلوبا لينة تخشع لذكرك وشكرك.
اللهم إنا نسألك قلوبا تطمئن لذكرك.
اللهم إنا نسألك ألسنة تلهج بذكرك


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
ميمي
عضو مميز
عضو مميز
avatar

الجنس : انثى عدد الرسائل : 255
العمر : 46
الموقع : CHICAGO
السٌّمعَة : 40
نقاط : 3969
تاريخ التسجيل : 06/09/2009

مُساهمةموضوع: رد: ابتسم فأنت بالأردن(الأردن أولا)   الإثنين سبتمبر 07, 2009 3:55 am

هههههههههههههههههههههههههههههه والله مسكين يا حرام
الرجوع الى أعلى الصفحة اذهب الى الأسفل
 
ابتسم فأنت بالأردن(الأردن أولا)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alhamdullah.alafdal.net :: الترفيه :: طرائف والالغاز-
انتقل الى: