قصيده حزينه لشاب تسبب في وفاة امه

[ندعوك للتسجيل في المنتدى أو التعريف بنفسك لمعاينة هذا الرابط]

هذي قصيدة كتبها شاب عمل حادث سيارة و والدته كانت معاه وكان مسرع
وتوفيت أمه بسبب الحادث أما هو فكانت إصابته خفيفة ...
و هذي الأبيات قالها لمن راحو بيعزونة :

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

تذكر الشاب أن:
( الجنة تحت أقدام الامهات )

[ندعوك للتسجيل في المنتدى أو التعريف بنفسك لمعاينة هذا الرابط]

( جاني خبر )
جاني خبر في غربتي قيل بركود *** صوب الديار اسرع شد الرحالي

قلت السبب قالوا مريض وبه زود *** على فراشه طايح من ليالي

يبي يشوفك دامه اليوم موجود *** علك تشوفه لي وصلته سالي

حاولت اعرفه , قالوا الوقت محدود *** لا,لاتضيع وقتك اليوم غالي

رجعت فكري تايه الفكر شبه مفقود *** متخدر جسمي وفكري وبالي

ساعة دخلت وشفت انا البيت محشود ** بالناس كلن يزعج الصوت عالي

حتى الصغير اللي من ايام مولود *** يبكي ودمعه فوق الاوجاه سالي

نشدتهم وش صار بايامي السود *** منهو توفى , من فقدناه غالي

قالوا ترى امك يابن الاجواد في العود*** في العود مدفونه من اربع ليالي

جاها قضاها ويومها اليوم موعود *** والموت حق وكلنا للزوالي

من هرجهم حبل الحزن صار معقود *** في خافقي والموت وقته طرى لي

بغيت اجامل كل من كان موجود *** لكن حزني ترجم احوال بالي

انهل دمعي وانتثر فوق الخدود *** ساعة نظرت فراشها والعيالي

ياليتني في قبرها اليوم موجود *** وهي على الخد الوسيعه بدالي

لاشك حكم الرب ماعنه مردود *** امنت به ربي عليه اتكالي

[ندعوك للتسجيل في المنتدى أو التعريف بنفسك لمعاينة هذه الصورة]

.

» قصيده!!اات بقلب امك يافتى .. ولك الدراهم والجواهر!!!
» قالوا....وقلت...قصيده عن الجهاد
» قصيده لمظفر النواب عن فلسطين
» ماذا لو أني قصيده للشاعر طلال مداح
» قصيده لنزار قباني ( وعدتك ان الا احبك )