عنجد انتم اكثر من اصدقاء.
ايامي قليله بينكم ولكنها عنت لي الكثير من فيض مشاعركم.
احتفالكم بيوم ميلادي اشعرني اني ولدت من جديد وفعلا نسيتوني بعضا من احزاني وايضا عطر المساء خليتيني احب حزني واشعر فيه كرفيق لي ووفي كمان. لانه بالفعل حزن صادق وما بيعرف المراوغه. حزن بالفعل يقوم بواجبه على اكمل وجه.
ما ممكن يجاملني ويخليني افرح شوي وانا كمان ما بدي ياه يجاملني لاني ببساطه الان بحبه كتير .
معلمتي الست تاله خليتيني اشعر بوجودي لانك عنجد ساعدتيني بالانخراط معكم واصير وحده منكم. بدونك كنت سراب ومعك بحس اني بحيره من ماء عذب وان شاء الله ما رح ابخل بمائي العذب على العطشى. هيك اتعلمت منك .... العطاء بدون مقابل.
مس حماد بشكرك كتير لانه فعلا كلماتك رقيقه ومعبره ويا ريت نصير اصحاب .
استاذي الاخ ماجد الشرفا خليتك للاخر لاني ما رح القى كلمات اعبرلك فيها عن شكري الك وخاصه بحنان قسوتك معي. انا بعرف شو معنى القسوه وخاصه من ناس بتحبهم ويحبوك. لكن قسوتك وجديتك معي الها طعم تاني بيشبه الطعم الحلو للحزن اللي خلتني عطر المساء احبه من جديد.
بالمختصر بحبكم كلكم وبتمنالكم الخير والسعاده
اختكم الملاك الازرق
الرئيسية 
أحدث الصور 
التسجيل 
دخول 
