مصطلحات اردنيه

موضوع: مصطلحات اردنيه الخميس مارس 22, 2012 4:20 pm

بدي احكيلكم شوي عن بعض المصطلحات اللي بنحكيها كتير ورح اوضح معانيها

نبدأ >>>>>>>>>>>

*تعربش : إمسك بقوة .. وعادة تستخدم للتحذير من الإنزلاق أو السقوط..

*أقظب : نفس معنى إمسك ، وقد تستخدم للتمسك بشيء معين

*مدعدر: متورم أو منتفخ...

*معنعن: يمشي بكبرياء أو نافخ ريشه

*زت : إرمي

*تلولحي يا دالية: تقال للشخص النحيف جدا وبترخرخ لدرجة الهبل

*الطنط: وهو اللي بحكي ياااااي لما يشوف اشي بعجبو

*مهوي: يعني ولا حبة – ما في عقل

*دير بالك عحالك: اسلوب تهدي غير مباشر

*عندي موضوعك - : تقال عند الاستعداد التام لتقديم خدمة ما

*حصتي (بضم الحاء): تُقال عند وجود علاقة صداقة أو مصلحة قوية
تربط بين شخصين

*ولا إشي!! : تقال للتعبير عن الدهشة من شدة موقف ما، وتلفظ

على النحو التالي : إمّا بتشديد الكلمات أو كما يلي :

ولااااااااااا إشي

*إجبد : تستخدم عند الإعجاب بموقف شخص ما (مشهورين فيها اهل اربد في شمال الاردن )

*شو بالنسبة !: تُقال عند الاستغراب من شيء أو شخص

*طقع : أشهر من أن تعرّف... تُستخدم للتعبير عن الإعجاب الشديد

*********************
بعض الأقوال السائدة

إشي فاخر من الآخر
.
بتتخوث يا ملوث...: تقال لمن يحاول أن يخفف دمه وبتهبّل وهو

فش أزنخ من دمّه

حيران اقعد في البستان

إبعد سنك لأرنك

برنك كف بخلي سنانك يلعبو زقطة ولسانك يطلع فرصة

مش علينا احنا ملينا
ضيف سلامتك محلى بجامتك

روق يا مرزوق

.................................

واخيرا
وليس اخرا اتمنى انو وضحت الصورة عندكم مشان لو تزوروا الاردن يعني
اخدتوا فكرة عن بعض المصطلحات ولو انها غريبة شوي ههههههههههههههههه

وشكرااااااااااااااااااااااااا يا احبائي

هو بالفعل هذه بعض المصطلحات المستخدمه وخاصة بين الشباب الذكور بسن المراهقه وومكن تستمر معه لسنوات عديده ايضا. نشرت هنا كنوع من تلطيف الجو لا اكثر ولا اقل لانه بصراحه لا تليق هذه الالفاظ بمجتمعنا الطيب. شكرا اخت عطر المساء على المشاركه اللطيفه والى الامام

شكرا لمرورك الطيب اخي ماجد نور الطرح بحضورك واكيد هذا الطرح من باب المداعبه لا اكثر

» مصطلحات باللهجة التونسيه